Мирович: Явни сервиси муша витворйовац найвисши стандарди

автор ртв
902 Опатрене

НОВИ САД – Предсидатель Покраїнскей влади Иґор Мирович бешедовал вчера учашнїком у явней розправи о програмних змистох радия, телевизиї и диґиталних платформох Явней медийскей установи Радио телевизиї Сербиї, котру орґанизує Програмни совит РТС, у складзе з обовязками зоз Закона о медийских сервисох, а з потримовку Мисиї ОЕБС-а у Сербиї.

Циль дискусиї же би Програмни совит у директней комуникациї зоз патрачами, слухачами и читачами достал увид до потребох гражданох зза програмнима змистами, а окреме ше бешедовало о активносцох РТС-а у културней програми и програмних змистох наменєних дзецом и младим.

Мирович гварел же слово о двох барз важних обласцох у дружтвеним живоце, у котрих явни медийски сервиси, у интересу шицких гражданох и дружтва у цалосци, муша поставяц и витворйовац найвисши стандарди. Же би програмни змисти були креировани и реализовани на найвисшим можлївим уровню, барз важне же би свойо становиско о нїх виражели шицки релевантни културни, образовни и други институциї, професийни здруженя, цивилни сектор и поєдинци, гварел Мирович.

Вон додал же Покраїнска влада, такой по формованю, у сотруднїцтве зоз Владу Сербиї, порушала инициятиву за вибудов нового будинку Радио-телевизиї Войводини з найлєпшима можлївима условиями за роботу на сербским и на язикох националних меншинох.

ПОВЯЗАНИ ТЕКСТИ