КИСАЧ – Ґитарияда Войводини обявела поволанку музичним ґрупом за участвованє у змагательней часци тогорочней манифестациї, хтора будзе отримана 30. юния и 1. юлия у Кисачу, на помоцним терену ФК „Татра”.
Єдно з условийох конкурсу же би демо-бенд мал голєм три авторски композициї, а же би нє мал видати комерциялни албум.
Формулар за прияву ше пополнює електронски, на сайту www.gitarijadakisac.com, а треба послац и знїмок єдней авторскей композициї до 10 минути (mp3/wma/acc), список членох, биоґрафию и фотоґрафию бенду (у jpg).
Змаганє младих бендох будзе на пияток, 30. юния, кеди на Ґитарияди Войводини у Кисачу наступи и позната ґрупа „Дивлє яґоде”.
На соботу, 1. юлия наступи побиднїцка ґрупа тогорочней Ґитарияди, як и популарна „Ю-ґрупа”.
Перши раз за учашїкох и нащивительох будзе орґанизовани камп на отвореним и мала музична школа рокенролу.
Медийни покровитель и спонзор награди за перше место на Ґитарияди Радио телевизия Войводини.