ДЮРДЬОВ – После рока паузи у орґанизованю лєтнєй журки у своїх просторийох, млади зоз Културно-уметнїцкого дружтва ,,Тарас Шевченкоˮ зоз Дюрдьова того року предлужую традицию и орґанизую шесту лєтню журку, алє вецей нє з меном „Гаваї парти”, алє з новим – „Aloha summer”.
„Aloha summer” будзе отримани на шлїдуюци пияток, 10. авґуста, у просторийох КУД ,,Тарас Шевченкоˮ у Дюрдьове на 21 годзин, а уходнїца кошта двасто динари. За музику буду задлужени штирме ди-джейове, буду пущац рижнородну музику, углавним комерциялну. На журки будзе и коктел майстор, а нове и тото же ше пице будзе куповац з бонами.
Число местох огранїчене, та го мож резервовац при Лидиї Вереш на число телефона 062/814-37-00.