РУСКИ КЕРЕСТУР – На инициятиву младих спортистох, у Руским Керестуре 15. авґуста, першираз будзе орґанизовани и турнир у кошарки 3 на 3, а приявиц ше мож по вовторок 14. авґуст.
Турнир будзе орґанизовани на пияцу, будзе ше бавиц по принципу 3 на 3, а у екипи можу буц приявени найвецей штири особи. Котизация за прияву по екипи иноши 2 000 динари, а ту и пенєжни награди за освоєни перши три места – за перше 10 000, за друге 5 000, а за треце 3 000 динари.
Шицки подробнєйши информациї мож достац при Борисови Югикови на телефонске число 061/368-1111.