КОЦУР – Всоботу, 14. априла, символично означени початок сезона моторкашох, та з тей нагоди мото клуби „Парадизо” зоз Вербасу, МЦ „Пеґасус” зоз Коцура и „Драґонс” зоз Змаєва, а у сотруднїцтве зоз Општину Вербас, орґанизовали акцию „Уключ клїпкач, байкере знова на драги”.
Циль тей акциї то здогаднуц и других учашнїкох у транспорту же би обрацели повагу на моторкашох и на тот способ допринєсли меншому числу транспорних нєщесцох у котрих участвую байкере.
У акциї участвовало коло 60 моторки котри направели дефиле през шицки валали у општини Вербас и у каждим месце дзелєли флаєри о своїм присустве на драги.
