Мултимедиялни перформанс у Руским културним центру

автор опс, фото вев
988 Опатрене

НОВИ САД – У просторийох Руского културного центра (РКЦ), у Новим Садзе вчера вечар отримани мултимедиялни перформанс у режиї Звонимира Павловича.

У першей часци програми Славко Винаї, през приказ керестурских крижох, указал як зоз писаного слова прешол на визуализацию поезиї. У тей часци як модератор участвовал Мирон Джуня.

У другей часци наступел бенд „Ruthen Trash Orchestra” Мирослава Папа, а у трецей виведзени перформанс „Я Русин єсм, бул и BOOM (2)” у хторим през читанє рефератох указане на цали безсмисел водзеня политики вообще, у скорейших часох та и нєшка. Модераторка тей часци програми була Алексанра Живкович Бучко, а участвовали и ґлумци „Драмского студия” РКЦ: Борис Фейди, Иван Канюх, Йован Живкович, Ребека Планчак, Славко Бучко

Перформанс „Я Русин єсм, бул и BOOM (2)” отримани з нагоди отвераня новей театралней сезони „Драмского студия” РКЦ.

ПОВЯЗАНИ ТЕКСТИ