КОЦУР – Коцурске здруженє младих КУМ прешлого тижня розписало подобови конкурс на тему „Прикраски за Нови рок и Крачун од рециклованого материялу”, а всоботу, 22. децембра у Етно клубу „Одняте од забуца” була вистава роботох и вибрана найкрасша прикраска. Вкупно було 20 роботи, а перши два места одлучел жири, док трецонаградзеного вибрала публики.
Роботи котри сцигли на конкурс були од материялох котри мож рецикловац, з паперу або пластики, а жири оценьовал иновативносц, креативносц и количество и комбинацию рижних материялох котри похасновани за прикраску.
Перше место освоєла Сара Гарди, а коло другого и трецого места, зложели ше и жири и публика, та друге и треце место освоєла IV-1 класа ОШ „Братство єдинство” на чолє зоз учительку Славицу Чельовски.
Окрем перших трох местох за свою роботу похвалєна и Исидора Майкич котра направела интересанту прикраску за ядловец.
