Наступни активносци Рускей матки

автор мар
897 Опатрене

РУСКИ КЕРЕСТУР – Спрам плану активносцох Рускей матки (РМ), Стретнуце младих поетох, литературних и музичних творительох РМ у Руским Керестуре будзе отримане 23. септембра, а на Стретнуце буду поволани и госци з Кули, Коцура, Вербасу, Елемиру, Шиду, Сримскей Митровици и Горватскей.

Ище вше нє познати точни датум отримованя Подобовей колониї ,,Коцур 2017”, цо ма одредзиц Месни одбор РМ Коцур, док Други медзинародни русински филмски фестивал ,,Русин филм фест” у Шидзе будзе 7. октобра, у орґанизациї Реґионалного одбору РМ за Срим. Тогорочна тема филмох будзе период по Другей шветовей войни и Акция ,,Висла”.

О спомнутих активносцох, як и о предкладаню текстох за треце тогорочне число  глашнїку РМ ,,Руснак”, бешедоване вчера вечар у Руским Керестуре на Управним одборе РМ и Редакцийним одборе глашнїку, алє лєм информативно, понеже нє було кворума за одлучованє, так же одлуки нє приношени.  

 

 

ПОВЯЗАНИ ТЕКСТИ