НОВЕ ОРАХОВО – Културна манифестация „Днї нового хлєба”, 16. по шоре, будзе отримана наступного викенду, 25-27. авґуста, у Новим Орахове.
На пияток на 15 годзин почню нащивительом барз интересантни Бависка без гранїцох, а после змаганьох будзе диско на отвореним, як и на соботу вечар, после цалодньових змаганьох у фодбалу и кошарки.
На нєдзелю тиж будзе змаганє, алє у вареню паприґашу, отверанє вистави ручних роботох и вашар, а на три годзин будзе пошвецени нови хлєб. Ту и програма за дзеци под назву „Улїчка за бавенє”, по улїцох ше прейду фиякеристи, а даскельо културно-уметнїцки дружтва отримаю културну програму. На вечар будзе концерт на котрим буду шпивац Пал Денеш и Жарко Прибакович, а потим шлїдзи улїчни бал.
Орґанизатор Манифестациї „Днї нового хлєба” Месна заєднїца Нове Орахово, рижни спонзоре, културно-уметнїцки и спортски дружтва.