РУСКИ КЕРЕСТУР – Национални совит (НС) Руснацох нєшка, 27. октобра, розписал Конкурс за додзельованє наградох у форми стипендийох у школским 2017/18. року за найлєпши успих студентом трецого и штвартого рока Оддзелєня за русинистику Филозофского факултету у Новим Садзе.
Конкурс тирва по 10. новембер, а у цалосци є обявени у новинох „Руске слово” и на сайту НС Руснацох (www.rusini.rs).
Студенти котри сполнюю задати условия, молбу и потребну документацию най пошлю на адресу: Национални совит рускей националней меншини, Фрушкогорска 64, 25233 Руски Керестур, а за потребни информациї мож наволац до Канцелариї НС на числа телефонох (025) 705-222, лєбо 705-333.