КУЛА/РУСКИ КЕРЕСТУР – Лицитация за арендованє державних польопривредних поверхносцох наявена за 26., 28. и 29. децембер, а будзе отримана кажди дзень з початком на 9 годзин у Велькей сали Скупштини општини Кула.
Заинтересовани за учасц потребне же би ше приявели найпознєйше по 25. децембер до 15 годзин на приявним формулару котри мож достац кажди роботни дзень у канцералиї 105 Општинскей управи Кула.
Жем ше лицитира на период од єдного рока, а скорей лицитациї треба уплациц депозит у виносу 20 одсто початней цени.
Же би физична особа мала право участвовац муши мац реґистроване польопривредне ґаздовство найменєй три роки у активним статусу, муши мац место биваня на териториї општини найменєй три роки и муши буц власнїк найменєй пол гектара жеми, або же би му даєдна парцела була бочна.
Правни особи кед сцу арендовац державну жем, статус їх польопривредного ґаздовства муши буц активни найменєй три роки, власнїки найменєй 10 гектарох жеми у општини и реґистровану фирми у општини.