ЗОМБОР/ЗАХОДНОБАЧКИ ОКРУГ – На стредовей схадзки Покраїнскей влади прилапена информация о потреби реконструкциї Общого шпиталю „Др Радивой Симонович” у Зомборе.
Значносц реконструкциї ше спатра през факт же ше у зомборским шпиталю лїча жителє цалого Заходнобачкого округу, а з тим би була зменшана потреба же би ше пациєнтох посилало до других установох. Проєкт реконструкциї будзе реализовани у трох фазох.
У першей фази Покраїнска влада и локални самоуправи Зомбор, Апатин, Оджак и Кула обезпеча средства за проєктну документацию. Перше будзе реконструовани блок гирурґиї, понеже у нїм нє робени нїяки векши роботи од його вибудови пред 30 роками.
У другей фази роботох заплановане добудованє часци оддзелєня неуролоґиї, пнеумофизиолоґиї, и интерней медицини, док у трецей часци би мали буц ушорени други обєкти у шпитальским комплексу, як и приступни драги.