ЗОМБОР – У Зомборе всоботу, 10. юния, отримани интелектуални сход „Виволанє: Войводина”, дзе на трох панелох – „Медзи особну шлєбоду и политичну автономию”, „Войводянске питанє” и „Културолоґийне и медийне питанє у Войводини”, бешедоване о рижних аспектох попатрунку на Войводину.
Сход спред орґанизацийного одбору отворели Душан Миїч и Латинка Перович, а теми викладаньох ше одношели на културу, людски и меншински права, литературу, привреду и уставне положенє Покраїни.
Медзи другима, на тей подїї участвовали новосадски адвокат Слободан Белянски, професорка явного права Марияна Пайванчич, новинар Димитриє Боаров, академик Юлиян Тамаш, Алексей Кишюгас, Мирослав Кевежди и др Борис Варґа.