На Кирбай наступя „Жовти амрели”

автор мар, фото якп руском
968 Опатрене

РУСКИ КЕРЕСТУР – На ютре, 9. мая, под час вашару котри состойна часц преслави Кирбаю, будзе заварта за транспорт часц Русинскей улїци од Фрушкогорскей та по улїчку Орос Ґабра, у периодзе од 9 до 20 годзин.

Орґанизацию преслави помогла Општина Кула, котра за тоту намену до буджету Месней заєднїци (МЗ) Руски Керестур опредзелєла 300 000 динари. Зоз спомнутих средствох, по предписаньох за таки сходи, анґажоване професийне обезпеченє, мобилни тоалети и цалодньова патрола транспортней полициї.

У вечаршей часци МЗ Руски Керестур анґажовала познати новосадски бенд „Жовти амрели” у котрим шпива и наш музичар Алексей Сивч, а котри наступя у дискотеки „Амадеус”, дзе будзе шлєбодни уход.

ЯКП „Руском” вонконцом Русинскей улїци дзе будзе вашар, покошело желєни поверхносци, насамредз ярки котри очежани за кошенє. 

ПОВЯЗАНИ ТЕКСТИ