На Конґресу Економиї заєднїцтва у Риме бул и Янко Катона

автор маф  фап
1.1k Опатрене
РИМ (ИТАЛИЯ)  –  У Риме, главним городзе Италиї, од 1. по 5. фебруар отримани Шветови конґрес Економиї заєднїцтва (ЕЗ) хтора дїйствує у рамикох Руху фоколарох. Медзи 1 200 делеґатами зоз 65 державох на Конґресу були и представителє зоз Сербиї, медзи нїма и поднїматель Янко Катона з Руского Керестура.
На Конґресу виробени нови напрями Стратеґиї ЕЗ по 2040. рок, а основна пременка у функционованю руху ЕЗ то „придаванє штафети” младшим ґенерацийом.
Остатнї дзень Конґресу шицких делеґатох приял папа Франциско, а у ґрупи делеґатох хтору папа и особнє приял бул и Янко Катона. Як за Рутенпрес гварел Катона, указало ше же папа Франциско добре позна тот нови економски модел за зменшанє худобства у швеце и потримал ЕЗ, а пренєсол и свойо зауваги и совити за єй рост и преширенє.
Янко Катона власнїк фирми „Унита” з Кули, а о своїм длугорочним искустве у ЕЗ дал вияву и за италиянске дописовательство ТВ Словениї, хтора ше барз заинтересовала за тот нови економски модел, дознава Рутенпрес од Катону.
 2-Janko-02

ПОВЯЗАНИ ТЕКСТИ