РУСКИ КЕРЕСТУР – Перши дзень ювилейного 50. Драмского мемориялу Петра Ризнича Дядї на сцени виведзена дзецинска представа „Дзивчатко и жобрак” Людмили Шандаловей, котру пририхтали члени Етно клубу „Одняте од забуца” зоз Коцура, у режиї Танї Бркич и Моники Гарди.
Штернацецеро ґлумци од предшколского возросту по осму класу, виведли дїло зоз моцним порученьом публики же ше добре з добрим враца, у котрим младу Ганчу през животну приповедку, и попри числених бриґох, визначую позитивни прикмети шицких коло себе.
„Дзивчатко и жобрак” на керестурскей сцени провадзели школяре од першей по штварту класу основней школи, як и други гражданє рижних ґенерацийох. Реализацию представи потримали Национални совит Руснацох, Општина Вербас, Културни центер Вербас, Дом култури Коцур и подприємство „Скло рам” зоз Коцура.
Вецей фотоґрафиї мож поопатрац у нашей фотоґалериї.