РУСКИ КЕРЕСТУР – На кошаркашским терену на Новим населєню у Руским Керестуре, всоботу, 22. априла стари, уж дотирвали коши заменєни з двома новима обручами и таблами виробенима з полиестеру. Вредносц тей роботи коло 40 000 динари.
Акцию витворела Месна заєднїца Руски Керестур, з помоцу подприємствох „Фреш маркет” (Славко Бучко) и каменярнї „Малацко” (Владимир Малацко), а на инициятиву ґрупи младих Керестурцох з тей часци валалу.
На кошох тераз и нови мрежочки, а у їх поставяню помогли и даскельо млади особи.