КУЛА – После отриманих месних смотрох рецитаторох у кулскей општини, селекторка тих смотрох Слободанка Настасич з Кули вчера сообщела мена рецитаторох котри ше пласовали на Општинску смотру, хтора будзе на пияток, 10. марца.
На Општинскей смотри рецитаторох наступя вєдно 34-еро рецитаторе у трох возростох, а медзи нїма найвецей з Кули и Руского Керестура.
З Кули на Смотри участвую 16-еро рецитаторе у трох возростох, а з Руского Керестура осмеро.
З Керестура ше на општинске змаганє пласовали шицки наградзени на Месней смотри – Иван Планчак, Марко Ковачевич и Ема Живкович у младшим, Валентина Новта, Матей Шепински и Никола Марянович у штреднїм и Павлина Шепински и Мирослав Малацко у старшим возросту.
Пре зогриванє простору, Општинска смотра рецитаторох того року будзе отримана у Кули, у театралней сали Културного центру, а нє у Крущичу, як то узвичаєне.