СЕЧАНЬ – Того викенду, од 20. по 22. април, у Сечню будзе отримана Покраїнска смотра рецитаторох, на хторей участвую и дзевецеро рецитаторе з наших местох, котри ше змагаю з рецитациями по руски.
Зоз Зонскей смотри рецитаторох, отриманей у Бачу, на найвисше змаганє у Войводини у младшим возросту з писню по руски ше пласовал Иван Молнар з Дюрдьова, а у штреднїм возросту наступя Валентина Новта и Ребека Семан, обидва з Руского Керестура, як и Милица Михальовски з Дюрдьова.
У старшим возросту, на Покраїнскей смотри по руски буду рецитовац Марко Недич з Коцура, Йован Живкович з Керестура, хтори рецитує за Нови Сад, як и Тимеа Будински, Мирослав Малацко и Павлина Шепински, шицки тройо з Керестура.