ДЮРДЬОВ – Внєдзелю, 27. мая, на Русадля у церкви Рождества пресвятей Богородици у Дюрдьове, Вельку Службу Божу служел о. Борис Холошняй, а шпивали члени фамилиї Холошняй – Єлена Горняк и о. Михаил Холошняй.
На початку Служби покресцени Матея Кочиш, од оца Дамира и мацери Славици народзеней Бунчич.
По Служби була Вечурня зоз молитвами за шицких покойних, а на 15 годзин на грекокатолїцким теметове почало пошвецанє гробох, а при Крижу була служена Панахида за шицких похованих.
Нєшка, на Други дзень швета, Служба Божа будзе на 9, на 17,30 годзин Молебен, а Вечурня будзе на 18 годзин. На пияток, од 17,30 годзин будзе Споведз, а на 18 годзин Служба Божа.