ВЕРБАС – Седми Хорски фестивал „Карпати“ у Вербаше, хтори и у Календаре репрезентативних манифестацийох Националного совиту Руснацох, у Велькей сали Културно-просвитного дружтва (КПД) „Карпати” будзе на соботу, 20. мая.
На тогорочним Фестивалє наступя нашо штири хори – Хор Дому култури Руски Керестур и Катедралней церкви св. о. Миколая, Хор „Гармония“ з Нового Саду, Хор „Розанов“ з Дюрдьова и Хор домашнього и орґанизатора Фестивалу КПД „Карпати“.
Госци Хорского фестивалу того року буду Мишани хор „Бачки шпиваче“ вербаского Културного центру, мишана шпивацка ґрупа з Львовскей филгармониї и оркестер бандуристох з Києвского институту музики.