РУСКИ КЕРЕСТУР – Вирни керестурскей парохиї св. оца Миколая вчера преславели швето Шицких святих, а пополадню була и панахида за шицких покойних на теметове.
Панахиду служели домашнї сященїки парох о. Михайло Малацко и капеланє о. Владимнир Медєши и о. Михайло Шанта. Парох Малацко у казанї потолковал же тота заєднїцка молитва за наших покойних ище є вецей нашо подзекованє за живот котри нам прейґ нїх даровал Господь Бог.
На панахиди було вельо вирних Керестурцох, як и тих цо жию у других местох, алє ше пришли помодлїц за своїх милих.