РУСКИ КЕРЕСТУР – У акциї на розкерчованю старей часци керестурского теметова поза каплїцу всоботу, 2. юния, участвовали коло 50 особи з Керестура, а и з околних местох општини Кула, а розчисцели гектар поверхносци.
Пред акцию доход до тей часци з механїзацию волонтерски розчисцел власнїк подприємства „Еделински” д. о. о., а у акциї векшином участвовали члени валалских Здруженьох рибарох „Коляк”, Конїцкого клубу „Русин”, Добродзечного огньогасного дружтва, члени Церковного одбору и други.
Акцию иницировал Месни одбор Сербскей напредней странки з предсидательом Иґором Фейдийом у сотруднїцтве з Церковним одбором керестурскей парохиї хтора власнїк теметова и предсидателями спомнутих здруженьох.
Як дознава Рутенпрес, вельки количества розкерчених конарох жителє можу вжац за огрив, а цо останє на єшень будзе запалєне. На єшень будзе ище єдна акция у тей часци дзе найдзени камени крижи стари коло 130 роки.