КОЦУР – Вчера, 21. децембра, у физкултурней сали Основней школи „Братство єдинство” у Коцуре отримани традицийни Крачунски вашар на котрим школяре предавали прикраски и лакотки.
Прикраски и лакотки котри були на тему Нового року и Крачуна школяре правели дома з родичами, и у школи зоз учительками и наставнїцами, а нащивителє их могли купиц по символичних ценох.
Вкупно назберани 80 000 динари, котри буду вихасновани за купованє наставних средствох у школи.
