ДЮРДЬОВ – У рамикох Фестивала жридлового шпиваня „Най ше нє забудзе”, внєдзелю на 17 годзин, у Рускей школи отворена вистава „Дакеди було”. Тема вистави було селєнє Руснацох до Америки початком двацетого вику.
Виставу отворел Мирослав Чакан, предсидатель Скупштини домашнього Дружтва, а о селєню дюрдьовскей фамилиї Папуґа, о своїх предкох бешедовал Владимир Папуґа.
На вистави виложени рижни документи, фотоґрафиї и предмети од котрих даєдни старши як сто роки, древена лада котру ше хасновало за преношенє предметох и шматох до и з Америки, а медзи документами виложени и карти за Америку котри купени 1902. и 1905. року.
У поставяню тей вистави помогла Любица Отич, музейска совитнїца у Музею Войводини.
(Вецей фотоґрафиї буду поставени у нашей фотоґалериї)
