На державним уровню означени Дзень побиди над фашизмом и Дзень Войска Сербиї

автор мар
971 Опатрене

СЕРБИЯ – З нагоди Дня побиди над фашизмом, Дня Европи и Дня Войска Сербиї, вчера, 9. мая, на полиґону у Никинцох при Руми отримана Воєна вежба „Челїк 2017”.

Перши раз у явносци представени и нови файти наоружаня Войска Сербиї, а предсидатель Сербиї Томислав Николич и предсидатель Влади Сербиї Александар Вучич з тей нагоди визначели же циль и порука тей вежби „очувац мир и стабилносц у реґиону”.

Воєну вежбу провадзели и високи державни функцонере и официре Войска Сербиї, представителє амбасадох у Сербиї, а началнїк Ґенералштабу Войска Сербиї Любиша Дикович гварел же Вежба була високого ризику, та шицким учашнїком повинчовал на єй успишним виводзеню.

З нагоди шветох, предсидатель Сербиї Томислав Николич вчера положел венєц на Памятнїк нєпознатому юнакови на Авали, а до Памятней кїжки записал же Сербия дала вельке доприношенє у побиди над фашизмом и, нажаль, вельо жертви.

ПОВЯЗАНИ ТЕКСТИ