ШИД – На нєшкайшей схадзки Скупштини општини (СО) Шид, главни точки дньового шора буду Звити о роботи Месних заєднїцох за 2017. рок и Финансийни плани и плани роботи за 2018. рок.
Єдна з точкох будзе и розпатранє Предлога одлуки о вименкох и дополнєньох одлуки о локалних административних таксох, як и одлука о анґажованю екстерного ревизора.
На схадзки будзе розришени потерашнї Совит за здравє општини Шид и меновани нови, як розришени буду и член потерашнього и меновани нови члени општинского Совиту за занятосц.
Значна точка будзе и Вименки и дополнєня Одлуки о витворйованю правох з обласци социялней защити з хтору будзе оможлївене же би хаснователє єднократней пенєжней помоци могли буц роботно анґажовани у роботох од значеня за локалну самоуправу.