На закончуюцим тесту з руского и того року лєм цали боди

автор маф
1.1k Опатрене

РУСКИ КЕРЕСТУР – Остатнї, комбиновани тест з историї, ґеоґрафиї, биолоґиї, физики и хемиї закончуюцого испиту вчара ришовали и 44-еро маломатуранти з рускокерестурскей Основней школи „Петро Кузмяк”, а два днї пред тим, 14. и 15. юния, виполньовали тести з руского язика и математики.

Як дознава Рутенпрес, покладанє закончуюцого испиту у Керестуре прешло по предписаней процедури и без даяких проблемох. Єдино коментароване же з руского язика знова, як и прешлого року, нє було можлївосци у задатку достац пол, лєбо бод, кед ришена часц задатку, на цо ше уж даскельо роки пригваря з руских школох.

Прелиминарни резултати цалого Закончуюцого испиту на уровнє Школи маю буц обявени найпознєйше до 8. годзин на нєдзелю, 18. юния, а тиж и на сайту Министерства просвити. Потим шлїдзи час за жалби школярох, так же конєчни резултати буду обявени 23. юния.

ПОВЯЗАНИ ТЕКСТИ