ВОРОЧОВО (УКРАЇНА) – У валалє Ворочово, при Перечину у Закарпатскей обласци України, на нєдзелю, 15. юлия, отрима ше традицийни Осми фестивал „Лемковска ватра” котри орґанизує Закарпатска обласна рада Здруженя „Лемкивщина”.
Фестивал почнє на 10 годзин зоз Службу Божу у хлопским манастире у валалє Ворочово. На 13 годзин буду положени венци погинутим вояком Карпатскей України, а на 14 годзин ше отрима пригодна програма.
На Фестивалу наступя и вецей иножемни ґрупи, медзи другима и ґрупа з Републики Сербиї – гумористи Здруженя женох „Олория” з Дюрдьова, як и соло шпивак Петро Закамарок з Индії.
Одход на Фестивал орґанизовал Союз Руснацох Українцох Сербиї з помоцу Националного совиту Руснацох.