На нєдзелю „Ружова заградка”

автор опс/зам
911 Опатрене

НОВИ САД – На нєдзелю, 5. марца, у Новим Садзе будзе отримани 27. Фестивал новей рускей народней шпиванки „Ружова заградка”.

Того року буду виведзени штернац нови композициї у народним духу, хтори буду шпивац нашо познати солисти и єдна ґрупа, з провадзеньом Велького народного оркестру Радио-телевизиї Войводини.

У рамикох Фестивалу будзе отримана и вистава подобових роботох Андєлки Античевич з Беркасова, а ревиялна часц програми пошвецена поетскей творчосци Дюру Латяка, на чийо тексти компоновани числени композициї виведзени на „Заградки”, алє и на „Червеней ружи”.

З тогорочнима шпиванками, Фестивал дотераз випродуковал 355 нови руски шпиванки, з чим збогацени наш музични скарб.

Фестивал новей рускей народней шпиванки „Ружова заградка” орґанизує Радио-телевизия Войводини, а у його нєпоштредней орґанизациї участвую руски редакциї и Музична редакция и продукция РТВ Войводини.

ПОВЯЗАНИ ТЕКСТИ