РУСКИ КЕРЕСТУР – Шестри Служебнїци 2017. року означую 125 роки од снованя, а ювилей шветочно будзе означени на дзень покровителя Провинциї св. Осифа – на нєдзелю, 19. марца у Руским Керестуре.
Шестри з тей нагоди буду мац тродньову обнову, а шицких вирних 19. марца поволую на Благодарну Архиєрейску Службу у Катедрали св. оца Миколая на 10 годзин.
Попри нашого владики Георгия, предвидзене же Благодарну Службу буду предводзиц ище троме владикове, на Служби будзе и ґенерална настоятелька шестрох з Риму и велї други госци, а на Служби будзе шпивац домашнї Хор Дому култури и Катедралней церкви св. оца Миколая.
У рамикох означованя ювилею шестрох Служебнїцох, пред Вечаршу Службу Божу у Катедралней церкви, од 10. по 18. марец на 17,15 годзин ше отримує дзевятнїцу до св. Осифа.