НОВИ САД – З нагоди означованя 17. януара, Националного швета Руснацох, у Суботици, тогорочного домашнього, на пондзелок на 12 годзин будзе отримана конференция за новинарох.
На конференциї у Медия центру Городскей хижи (Площа шлєбоди 1) буду участвовац Олена Планчак Сакач, предсидателька Орґанизацийного одбору, Иван Гарди, предсидатель Дружтва Руснацох у Суботици и Анамария Ранкович, о.д. директора Заводу за културу войводянских Руснацох.
Цали шлїдуюци тидзень будзе у знаку того Швета у скоро шицких местох у хторих жию Руснаци, а Централна преслава будзе отримана на пияток, 19. януара, починаюци зоз Службу Божу службу на 17 годзин у Францисканскей церкви, а потим ше предлужи у Городскей хижи у Суботици.