НОВИ САД – На пондзелок, 14. мая, почина Манифестация „Музеї за 10”, и будзе тирвац по 20. май.
Манифестация „Музеї за 10” найвекша национална музейна манифестация у Сербиї у хторей участвую вецей як 80 музеї и зродни институциї у 46 городох. Уход на рижни и вельочислени програми шлєбодни, а облапяю вецей вистави, презентациї, роботнї, промоциї, проєкциї, перформанси и подобне.
Tого року централна тема Тижня музейох гиперповязани музеї, нови приступи, нова публика, цо вимагало и нови змисти же би були интересантни публики.
Манифестация „Музеї за 10” у рамикох тижня музейох облапи и два значни медзинародни датуми – Медзинародни дзень музейох (18. май) и Европску Ноц музейох (19. май) кед дзвери шицких музейох буду отворени цалу ноц.
У Новим Садзе до Манифестациї „Музеї за 10” уключели ше 11 институциї и орґанизациї.
Покровитель Манифестациї „Музеї за 10” Министерство култури и информованя Републики Сербиї, Покраїнски секретарият за културу, явне информованє и одношеня з вирскима заєднїцами и Управа за културу Городу Нови Сад.
