На семинаре о вибеженцох и представителє Каритасу нашого Еґзархату

автор нем/зам
903 Опатрене

СРИМСКА МИТРОВИЦА/ШИД – У Сримскей Митровици вчера, 15. марца, отримана перша зоз штирох часцох тренинґ-семинару з тему „Тарґовина з людзми и родно засноване насилство у вибеженскей и миґрантскей кризи”. Тренинґ-семинар орґанизує Здруженя „Атина”, у партнерстве з америцку гуманитарну и розвойну аґенцию ЦРС, а з потримовку Оддзелєня за медзинародни розвой Зєдинєного Кральовства ДИФИД.

12-Seminar-02

На семинаре участвовали прейґ 20 заняти и волонтере з рижних орґанизацийох активних у ришованю миґрантскей кризи и хтори на помоци миґрантом у општини Шид, медзи нїма и представителє Каритасу нашого Еґзархату – о. Владислав Варґа, Далибор Болдиш, Маґдалена Павлович и Наташа Еделински Миколка.

На тренинґ-семинаре обрабяни, лєбо буду, теми як цо то тарґовина з людзми, родно засноване насилство, охрана и защита дзецох-вибеженцох и медзисекторске сотруднїцтво.

Друга часц семинару будзе нєшка, а треца и штварта 23. и 24. марца.

 

ПОВЯЗАНИ ТЕКСТИ