КОЦУР – У Руским доме у Коцуре, на соботу, 29. септембра, будзе отримани Литературно-музични вечар „Стретнуце зоз Славомиром Шантом”.
На програми, у литературней часци, будзе промоция Шантовей кнїжки любовней поезиї „Тебе гуторим”, котру нащивительом приблїжа млади коцурски рецитаторе.
Участвовац будзе и шпивач Михал Иван Ниґер, а на видео-биму буду приказани авторски филми и фотоґрафиї з його живота, а потим будзе и розгварка з автором Шантом.
Нащивителє на уходзе, котри будзе шлєбодни, достаню на дарунок компакт диск зоз поезию Славомира Шанти. После програми будзе закуска.
Литературно-музични вечар почнє на 19 годзин.