РУСКИ КЕРЕСТУР – На соботу, 2. юния, од 7 годзин рано почнє заєднїцка роботна акция на валалским теметове дзе ше будзе розкерчовац стара гасц теметова за каплїчку. Помогнуц приду коло 20 тримераше зоз сушедних местох, та прето вчера Мирко Еделински волонтерски, зоз свою механїзацию пририхтал терен за соботову акцию.
На инициятиву Месного одбору Сербскей напредней странки (МО СНС) и Здруженя спортских рибарох „Коляк” акция заєднїцки орґанизує зоз Церковним одбором и другима валалскима здруженями. Своїх членох и шицких жительох цо сцу помогнуц на акцию окреме поволую їх предсидателє – МО СНС Иґор Фейди, „Коляка” Михайло пашо, Конїцкого клубу „Русин” Желько Папуґа и Добродзечного огньогасного дружтва Михайло Рац.
Шицки наглашую вельку важносц тей роботи, бо ше так обезпеча нови гробни места.
