НОВИ САД – Представа „Ковалє”, хтору на сцену поставел Руски народни театер „Петро Ризнич Дядя” у Руским Керестуре, а режирал Владимир Надь Ачим на соботу, 21. априла, будзе знята у студию Радио Нового Саду, за потреби Драмскей редакциї, односно Рускей редакциї РНС.
Телевизийна адаптация тей представи уж знята прешлей соботи у Студию „Дунай” РТВ у Петроварадину.
Представа „Ковалє” премиєрно виведзена 17. марца на отвераню тогорочного ювилейного Драмского мемориялу Петра Ризнича Дядї, а як дознава Рутенпрес, у планє же би тота представа була приказана патрачом и у других наших местох.