РУСКИ КЕРЕСТУР – На соботу, 24. новембра у амбуланти у Руским Керестуре буду орґанизовани безплатни превентивни препатрунки „За напреднєйше здравє”.
У рамикох превентивних препатрункох понукнуте меранє кревового прициску, консултативни препатрунки кардиолоґа и ЕКҐ, консултативни препатрунки педиятра, меранє уровня цукру у креви и ултразвук абдомену.
Препатрунки ше нє заказує, а заинтересовани треба же би пришли у периодзе од 8 до 12 годзин.