РУСКИ КЕРЕСТУР – На стреду, 31. януара, будзе отримана порядна Рочна скупштина Здруженя паприґарох „Капсикум анум”, з початком на 18 годзин у Ресторану „Червена ружа”.
На схадзки будзе поднєшени финансийни звит за 2017. рок и финансийни план за тот рок. Будзе представени и план отримованя тогорочней манифестациї „Днї керестурскей паприґи”, поровнуюци з прешлорочну.
Снователє Задруґи „Керестурска паприґа” ище раз розтолкую значносц снованя задруґи за валал и членох Здруженя. Владимир Варґа поинформує присутних о терминох за реґистрацию польопривредних ґаздовствох и способе витворйованя субвенцийох до польопривреди того року.
На Рочну скупштину поволани шицки члени Здруженя паприґарох „Капсикум анум”.