ДЮРДЬОВ – У 29. колє ярнєй часци змаганя Подручней фодбалскей лиґи Нови Сад, 5. мая, дзевятопласовани ФК „Бачка 1923” з Дюрдьова на домашнїм терену дочекал осмопласовани ФК „Петроварадин” з истоменого места котри у тей хвильки мал два боди вецей од домашнїх.
Змаганє ше закончело з побиду ФК „Бачка 1923”, а обидва ґоли дал Летич у 27. и 32. минути. После того змаганя ФК „Бачка 1923” з Дюрдьова на осмим, у тей часци першенства найвишим пласману, з 40 бодами.
У 28. колє ФК „Бачка 1923” бавела з ФК „Ветерник” у Ветернику и з бависка вишла як побиднїк 2:6 (1:2), док ше у 27. колє на стадиону у Темерину стретла зоз ФК „ТСК”, а змаганє закончене нєришено 2:2 (0:2).
У трох остатнїх змаганьох ФК „Бачка 1923” достала седем боди и зоз дзешатого ше випендрала на осме место на таблїчки.
Шлїдуюце змаганє за фодбалски клуб з Дюрдьова будзе бавиц на нєдзелю, 13. мая, на 17 годзин на стадиону у Футоґу зоз другопласованим ФК „Софекс”, котри ма осемнац боди вецей од „Бачки”.