На штварток у Кули Саям обезпечованя роботи

автор зам
1.1k Опатрене

КУЛА – У Кули на штварток, 1. юния, будзе Саям обезпечованя роботи за Заходнобачки округ, хтори орґанизує кулске оддзелєнє зомборскей филияли Националней служби за обезпечованє роботи. Саям будзе у сали „Непкеру” од 11 до 13 годзин.

За тераз роботодавателє за Саям послали понукнуца за прейґ 300 роботни места – за векше число скравцох з искуством и без искуства у тей роботи, за орґанизаторох продукциї, механїчарох, помоцних роботнїкох у продукциї, заварйовачох, шлосерох, помоцних роботнїкох у пекарнї, фарбарнї, за роботнїкох металского и електро фаху, за совитнїкох осиґураня, баґеристох, кнїжководительох з искуством, за допломованих правнїкох и правних технїчарох.

Роботодавателє ище вше можу приявиц свойо вимоги за роботнїками, а особи котри глєдаю роботу на Саям най принєшу вецей прикладнїки роботней биоґрафиї, а пред Саймом най ше явя до найблїзшей филияли Служби за обезпечованє роботи.

ПОВЯЗАНИ ТЕКСТИ