На ютре Перша причасц, нєшка Перша споведз

автор маф
1.1k Опатрене

РУСКИ КЕРЕСТУР – У парохиї св. оца Миколая у Руским Керестуре на ютре будзе шветочна Перша свята причасц за 33-їх школярох другей класи ОШ, як и за двоїх у Суботици, у филияли керестурскей парохиї.

У Катедралней церкви нєшка на 19 годзин будзе Перша св. споведз за школярох-першопричашнїкох, їх родичох и родзину, а Першу причасц дзеци приму на ютре, 28. мая, у Дзецинскей Служби Божей на 11,30 годзин.

По Служби будзе обход коло церкви зоз Святима тайнами, ткв. Свят, у хторим участвую и першопричашнїки.

Першу причасц у Суботици на ютре приму двойо школяре на Служби Божей у Францисканским манастире на 16,30 годзин.

 

 

ПОВЯЗАНИ ТЕКСТИ