На ютре почина Фестивал поезиї младих

автор але
919 Опатрене

ВЕРБАС – У Вербаше на ютре, 23. мая, зоз шветочним отвераньом у сали Ґимназиї „Жарко Зренянин“ (на 19 годзин) почина 49. Фестивал поезиї младих, а потим познати беоґрадски ґлумци одбавя театралну представу о любови Лази Костича и Ленки Дундєрски. Фестивал тирва по соботу, 27. май.

На стреду, на 19 годзин, у Библиотеки „Данило Киш“ будзе литературни вечар з ґлумцом Миланом Цацийом Михайловичом, котри представи свою кнїжку о памяткох на ґлумецки дожица у Театру „Ателє 212”, а на 20 годзин будзе отворена и  традицийна подобова манифестация у рамикох Фестивалу – вистава роботох младих уметнїкох „Палета младих”.

Централна програма Фестивалу будзе финалне змаганє младих поетох, на соботу, 27. мая у сали Биоскопу (на 19 г.), у хторим участвую дзешец тогорочни финалисти. Жири преглаши 49. лауреата Фестивалу поезиї младих, як и наймладшого учашнїка, котри достанє Награду „Станко Симичевич“. На законченю Фестивалу наступи и познати музичар Деян Цукич.

ПОВЯЗАНИ ТЕКСТИ