На ютре почина нови школски рок

автор маф илустр. вев
1.1k Опатрене

СЕРБИЯЮ/РУСКИ КЕРЕСТУР – На ютре, 1. септембра, почина нови школски 2017/18. рок, так же ютре перши наставни дзень и у Основней и штреднєй школи з домом школярох „Петро Кузмяк” у Руским Керестуре, як и у керестурским Оддзелєню дзецинскей заградки „Цицибан” ПУ „Бамби” з Кули.

Школярох на початку нового школского рока на ютре на 8 годзин у главним школским будинку привита директорка Школи Хелена Пашо Павлович, дзе у предполадньовей змени перши мешац буду ходзиц школяре нїзших класох основней школи и штредньошколци, а у пополадньовей висших класох.

Школяре першей и другей класи ОШ до школи на ютре маю присц тиж на 8 годзин, алє до школского будинку Замок, дзе буду ходзиц по початок жими, а першокласнїкох у Замку тиж привита директорка Школи.

Приєм за предшколски и рок младши дзеци у дзецинскей заградки „Цицибан” ютре будзе на 9 годзин, а того року будзе лєм по єдна ґрупа и у цалодньовом и у полдньовим пребуваню.

ПОВЯЗАНИ ТЕКСТИ