РУСКИ КЕРЕСТУР – Церковни одбор керестурскей парохиї св. оца Миколая на ютре орґанизує ярню акцию пораєня теметова и на ню поволує помогнуц и других парохиянох.
Кед же хвиля допущи, акция будзе тирвац од 9 годзин, а учашнїки би требали принєсц и рижни алат за розкерчованє и чисценє.
Церковни одбор тих дньох орґанизовал и вицагованє пнякох порезаних висушених туйох опрез церковней порти, у чим зоз свою механїзацию помогнул Ярослав Еделински. По словох предсидателя Михайла Рамача, садзенє нових древкох на место висушених, будзе на єшень.