На ютре у Новим Садзе „Веселинка”

автор зам
908 Опатрене

 

НОВИ САД – На ютре, 10. юния, у Новим Садзе будзе Шеснасти Фестивал дзецинскей творчосци Руснацох у Войводини „Веселинка”. Фестивал будзе у Руским културним центре (РКЦ) у Новим Садзе, хтори и орґанизатор Фестивалу, а того року мото Фестивалу „Маґия коло нас”.

Програма „Веселинки” у просторийох РКЦ (Йована Суботича 8) ютре почнє на 17 годзин з вецей креативнима роботнями, а музично-сценска програма, на хторей участвую дзеци з наших местох и з Нового Саду, аж и зоз Словацкей, зоз Земплинскей Теплици, будзе на 20 годзин.

РКЦ ше тиж уключел до гуманитарней акциї за зберанє финансийней помоци за школяра ОШ з Коцура Желька Шанту, котри муши пойсц на операцию очох до Русиї, так же на „Веселинки”, на уходзе до РКЦ, будзе поставена шкатула до хторей годно дац добродзечни прилог.

„Веселинку” финансийно потримую Министерство култури и информованя Влади Сербиї и Завод за културу войводянских Руснацох.

ПОВЯЗАНИ ТЕКСТИ