БАЧИНЦИ – Тих дньох у Бачинцох почали закончуюци роботи пременки закрица на парохийней церкви св. Луки. Прешлого року поробена векша часц роботох, алє нє було досц пенєжи же би ше закончело и апсиду.
Того року, по проєкту достати финансийни средства од католїцкей орґанизациї „Церква у помоци”, хтора финансує цали проєкт пременки закрица.
На закрице ше кладзе нови дески, латки, паропрепущуюцу фолию и закрива ше зоз пластификованим плехом. Стари, дотирвали плех ше знїма зоз церкви. Роги и греди у добрим стану, та оставаю.
Предвидзує ше же роботи буду готови до конца мешаца. На церкву ше кладзе и нови лївки, горизонтални и вертикални.