Нове надкрице у дворе КУД „Тарас Шевченко”

автор сас
800 Опатрене

ДЮРДЬОВ – Пондзелок, 16. юлия, у дворе будинку Културно-уметнїцкого дружтва „Тарас Шевченко” у Дюрдьове, почало поставянє новей конструкциї зоз надкрицом.

Надкрити простор будзе вельки осем зоз седем метери котри ше находзи опрез главного уходу до Дружтва. Металну конструкцию, котра будзе закрита зоз лексоном, финансую спонзоре, а шицку роботу оконча члени дюрдьовского Дружтва и Управного одбору.

-Тота идея иснує уж длужей, а тераз нам ше удало и витвориц ю. Дзекуюци надкрицу, годни зме ше дружиц и вонка, окреме за под час Фестивалу „Най ше нє забудзе”, кед маме коло тристо госцох. На тим месце годно викладац и стари ремесла, гварел Мирослав Такач предсидатель УО КУД „Тарас Шевченко”.

 

ПОВЯЗАНИ ТЕКСТИ