Нови Сад домашнї представительом 80 универзитетох

автор ртв/мар
1k Опатрене

НОВИ САД – Нови Сад вчера и нєшка домашнї Пиятому диялоґу о образовних политикох и Штвартей схадзки конзорцию високообразовних установох Китаю и державох централней и восточней Европи, а сход вчера отворела предсидателька Влади Сербиї Ана Брнабич.

Привитуюци госцох, премиєрка виражела наздаванє же тот диялоґ допринєше лєпшому розуменю и утвердзованю сотруднїцтва, бо интелектуална елита хтора ше позберала у Новим Садзе розуми потребу за черанку знаня и искуствох, а як гварела, праве таки стретнуца драга ґу позитивним пременком и иновативним идейом.

За тоти два днї буду вичерани думаня о унапредзованю образовного сотруднїцтва, пракси и ускладзованю образовних стратеґийох, пре моцнєнє того сеґменту.

У Новим Садзе госци представителє министерствох образованя зоз 17 державох и аж з 80 универзитетох. Политичаре и представителє образовних институцийох буду мац окремни схадзки, алє їх тема иста – моцнєнє сотруднїцтва.

Єдна з темох схадзкох будзе и снованє фонду хтори оможлїви заєднїцке набавянє опреми за роботу образовних и наукових институцийох. Директни хасен з тих сходох буду мац и студенти.

Сотруднїцтво Китаю и жемох централней и восточней Европи интеґрална часц ґлобалней инициятиви „Єден пас – єдна драга”, а образованє лєм єдна з часцох того сотруднїцтва. Як резултат того сходу ма буц подписана и Новосадска декларация.

ПОВЯЗАНИ ТЕКСТИ