НОВИ САД – Влада Сербиї самим концом прешлого рока проєкт „Нови Сад 2021 – Европска престолнїца култури” преглашела за културни проєкт од националного значеня за Републику Сербию, сообщело Министерство култури и информованя.
„Нови Сад 2021 – Европска престолнїца култури” обдумани як платформа за розвой културних и креативних потенциялох Нового Саду идуцих рокох змоцнї културну виталносц городу, оможлїви урбане реґенерованє и отримуюци розвой, хтори подрозумює структурни пременки, а злєпша и медзинародни угляд Нового Саду и Републики Сербиї – гвари ше у сообщеню.
На основи одлуки же то проєкт од националного значеня, Влада Сербиї обезпечи значни фионансийни средства хтори, медзи иншим, буду вихасновани и за туристични, културни и шицки други нєобходни активносци хтори оможлївя представянє Нового Саду Европи и швету у найлєпшим шветлє.